Olaselet
Olaselet ligg på Ytre-Standal midt i Sunnmørsalpane og er gratis å bruke for alle medlemmane til Sunnmørsk Klatreklubb.
Dette er eit tilbod vi oppmodar alle våre medlemmar til å bruke.
Fasilitetar
Hytta er utan innlagd vatn eller straum, men hytteopplevinga er av tre-stjerners kvalitet! Hytta har installert kjøkken (gassbluss), vedomn og stove med benkar for overnatting. Ved finn ein i hytta.
Det er god plass til fire personar på hytta.
Er det fleire som skal overnatte, bør ein ha med liggeunderlag.
Korleis få tak i nøkkel?
Kontakt Sindre Dimmen på tlf 99696853
Korleis kjem du deg til Olaselet
Fra Ørsta køyrer du over Standaleidet og ned til Store-Standal og utover Hjørundfjorden til Ytre-Standal.
Her tek du av opp mot venstre etter brua og køyrer opp grusvegen gjennom eit gardstun der du betalar bompengar (20 kr) for å kome deg til parkeringsplassen.
Alternativt tek du andre vegen fra Festøy fergekai og mot Ytre-Standal.
Det er ca. 1,5 km frå parkeringsplassen og opp til hytta på ei fin rås.
Buldrematter
Klubben har fleire buldrematter til utlån. Desse kan ein låne i klatrehallane i Ørsta eller Volda dersom ein er medlem. Du registrerer lånet ditt ved å scanne QR-kode som heng oppslått i hallane.
Rabatt
Som medlem i SKK har ein 20 % rabatt hos Sport 1 Ørsta AS (ved framvising av medlemskort).
